Përforcohen njësitë e përbashkëta të mbrojtjes ajrore Bjellorusi-Rusi

Ministria e mbrojtjes e Bjellorusisë ka thënë se forcat e përbashkëta ruso-bjelloruse të mbrojtjes ajrore janë përforcuar, me njësi të reja raketore të vendosura në pozicione.

Në një deklaratë të shkurtër, ministria tha: Njësitë e raketave kundërajrore përparuan në zonat e përcaktuara dhe morën detyrën luftarake.

Të dielën, ministria e mbrojtjes bjelloruse tha se do të zhvillojë stërvitje të përbashkëta të aviacionit me Rusinë dhe shtoi se ato do të zgjasin nga 16 janari deri më 1 shkurt.

Bjellorusia është një aleat i ngushtë i Rusisë dhe i lejoi Vladimir Putinit të përdorte territorin e saj si një nga pikat e nisjes për pushtimin e tij.

Ukraina ka paralajmëruar vazhdimisht se Putin mund të përpiqet të përdorë Bjellorusinë për të nisur një pushtim të ri të Ukrainës nga veriu, një hap që do të hapte një front të ri të madh në luftë.

LEXONI GJITHASHTU: 

• ‘Këtu do jemi’, zotohet Braimllari: Opozita do fitojë në këto tre qytete
• “Agron Çela shoqërues i Spiropalit”, nën kryetari i PL ‘shigjeton’ deputetin
• Shehi: Të bashkohemi e të largojmë Edi Ramën, problemi i vetëm që ka PD