Spërkatet me benzinë dhe i vihet flaka vilës në Berat gjatë natës

Pak minuta pas mesnate një zjarr ka rënë në një vilë 3-katëshe në lagjen “30-Vjetori” në Berat. Gjatë momentit të zjarrit në vilën në pronësi të Dritan Qato i cili prej shume vitesh është emigrant në Itali ndodhej babai i tij Shain Qato 78 vjeç i cili prej disa kohësh jetonte vetëm në ambientet e vilës.

“Në orën 24:00 morëm njoftim nga një qytetar për një zjarr banese në një vilë 3-katëshe, menjëherë në vendngjarje shkojë grupi shërbimit më një mjet zjarrfikës dhe me të ardhur në vendgjarje pamë që vila ishte shpërthyer në zjarr, kati i tretë i vilës kishte shpërthyer në zjarr. Pronari i vilës quhet Dritan Qato i cili jeton në Itali dhe aty ndodhej babai i pronarit Shaih Qato 78 vjeç në katin e dytë, Shaihini ishte në gjumë”- tha Artan Merko Shefi i Repartit zjarrfikës Berat.

Sipas shefit të repartit zjarrfikës ekipi i zjarrfikësve kanë evidentuar se ambientet e vilës ishin të spërkatura me benzinë, ndërsa janë lajmëruar dhe strukturat policore për kqyerjen e vendngjarjes pasi dyshimet e para janë për zjarrvënie të qëllimshme.

“Menjëherë u bë ndërhyrja  sepse vila ishte spërkatur nga të katër anët me benzinë, u bë e mundur ndërhyrja nga forcat tona, kërkuam dhe grupin e gatshëm  në ndihmë erdhën dhe dy mjete të tjera zjarrfikëse dhe u bë e mundur fikja komplet  e vatrës së zjarrit”- shtoi ai.

LEXONI GJITHASHTU: 

• Mianmari bëhet prodhuesi më i madh i opiumit, tejkalon edhe Afganistanin
• Beleri: Emri i zyrtarit të PD krah Berishës që ka ardhur në burg të më takojë