Përfshihet nga flakët banesa në Berat, zjarrfikësit shpëtojnë fëmijën në gjumë

Një zjarr ka rënë sot në një banesë në lagjen “30-Vjetori” në Berat. Drejtoria e MZSH Berat mori njoftimin për zjarr nga banorët dhe nisi grupin e shërbimit dhe 2 mjete zjarrfikëse.

Pasi mbërritën në vendngjarje panë se ishte përfshirë nga flakët ballkoni i katit të tretë. Zjarrfikësit kanë rrëzuar derën e jashtme të banesës, pasi në njërën nga dhomat ndodhej një fëmijë në gjumë dhe në banesë nuk kishte asnjë njeri tjetër.

Pasi kanë nxjerrë vajzën jashtë banesës, zjarrfikësit kanë neutralizuar flakën e zjarrit dhe në një kohë të shkurtër e kanë fikur zjarrin.

Në banesën në pronësi të shtetasit Ilir Mimani ka pasur vetëm dëme materiale (vetëm në ballkon) dhe fatmirësisht nuk ka pasur asnjë person të lënduar.

LEXONI GJITHASHTU:

• Përfshihet nga zjarri një banesë në Qerret
• Bie zjarr në Fier, merr flakë sipërfaqja me ullinj, policia në vendngjarje