Përfshihet nga flakët landfilli i mbetjeve në Elbasan, zjarri përhapet me shpejtësi

Landfilli i depozitimit të mbetjeve, pranë inceneratorit të Elbasanit, është përfshirë nga flakët mëngjesin e kësaj të mërkure.

Siç shihet nga pamjet e siguruara nga Euronews Albania, shtullunga të mëdha tymi shihet të dalin nga landfilli, ku flakët po përhapen me shpejtësi për shkak dhe të temperaturave të larta.

Ekipi zjarrfikës i Elbasanit ka shkuar në vendngjarje dhe po vijon punën pëër neutralizimin e flakëve.

Ende nuk dihen shkaqet e rënies së zjarrit në landfill.

LEXONI GJITHASHTU:

• Situata e zjarreve në vend, ku janë vatrat problematike
• Zjarr në disa magazina në fshatin Plug të Lushnjës