Përfundimi i mandatit të gjyqtares Bejtja, Gjykata Kushtetuese zyrtarizon vakancën

Gjykata Kushtetuese për mes një njoftimi këtë të premte ka zyrtarizuar vakancën për gjyqtar në këtë instiucion. Vakanca vjen pas deklarimit të përfundimit të mandatit të gjyqtares, Sonila Bejtja.

Gjykata Kushtetuese në njoftim thekson se mandati i gjyqtares ka përfunduar më 25 prill të këtij viti. Me shpalljen e vakancës, presidenti Bajram Begaj si institucion emërtese hap garën për gjyqtar të Kushtetueses.

“Vendimi përfundimtar do të publikohet në faqen zyrtare të Gjykatës, si dhe do u dërgohet palëve në proces,  i arsyetuar brenda afateve ligjore të parashikuara nga ligji nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, i ndryshuar dhe nga Rregullorja për Procedurat Gjyqësore të Gjykatës Kushtetuese

KËRKUES: Presidenti i Republikës së Shqipërisë

NUMËR/DATË REGJISTRI THEMELTAR: Nr. 1/1 (P) 2025 i Regjistrit Themeltar, datë 30.01.2025

OBJEKTI: Deklarimi i mbarimit të mandatit të gjyqtarit të Gjykatës Kushtetuese.

DATA E VENDIMMARRJES: 24.10.2025

DISPOZITIVI -Deklarimin e mbarimit të mandatit të gjyqtares së Gjykatës Kushtetuese, zonjës Sonila Bejtja, në datën 25.04.2025. -Njoftimin e Presidentit të Republikës së Shqipërisë si organi i emërtesës”, shkruhet në njoftim.

LEXONI GJITHASHTU:

• Vrasja e gjyqtarit, Gjykata Kushtetuese: Akt i rëndë, kërkohet veprim i menjëhershëm
• Gjykata Kushtetuese i ndërpret mandatin gjyqtares Sonila Bejtja