Përfundon numërimi në qarkun e Dibrës, PD fiton me diferencë të ngushtë

Pas qarkut të Kukësit është mbyllur procesi i numërimit edhe në qarkun tjetër verior, atë të Dibrës, ku ka dalë fitimtare Partia Demokratike.

Partia më e madhe opozitare ka arritur të fitojë në këtë qark, duke siguruar 45.13% të votave, të konvertuara në 3 mandate. Në vend të dytë rendite Partia Socialiste, e cila garantoi 44.67% të votave, të cilat përkthehen në 2 mandate. -Kliko këtu për të parë hartën interaktive

Forcë e tretë në qarkun e Dibrës është LSI-ja, e cila ka marrë 6.91% të votave, por pa siguruar asnjë mandat.

Në një lidhje direkte me Euronews, gazetari Benjamin Arifi deklaroi që kutitë e Bashkisë Dibër kanë bërë dallimin në nivel qarku, duke përmbysur rezultatin final në favor të Partisë Demokratike.