Përfundon paraqitja e provave për Salih Mustafën në Hagë

Trupi gjykues në rastin ndaj Salih Mustafës në Hagë i ka dhënë fund paraqitjes së provave dhe ka urdhëruar palët që të dorëzojnë dosjet e tyre përfundimtare deri më 21 korrik.

Ndërkohë është caktuar që nga 13 deri më 15 shtator, afati për dhënien e deklaratave përmbyllëse.

Gjykimi për ish-pjesëtarin e Ushtrisë Çlirimtare të Kosovës, Salih Mustafa filloi në shtator të vitit 2021.

Në këtë proces gjyqësor janë dëgjuar 13 dëshmitarë të Zyrës së Prokurorit të Specializuar, shumë prej të cilëve të mbrojtur dhe në seanca të mbyllura apo të redaktuara. Ndërsa mbrojtja e Salih Mustafës ka paraqitur 15 dëshmitarë.

Mbi Sali Mustafën rëndon akuza për krime luftë  midis 1 prillit 1999 dhe 19 prillit 1999.

LEXONI GJITHASHTU:

• Arrestimi i krerëve të UÇK, Rama ngre dyshime se pas Hagës fshihet Rusia
• Salih Mustafa refuzon të flasë para trupit gjykues në Hagë