Përfundon procesi i numërimit të votave në Kosovë, më 14 nëntor raundi i dytë

Ka përfunduar procesi i numërimit të votave të rregullta të zgjedhjeve lokale të zhvilluara me 17 tetor.

Sipas rezultateve preliminare të shpallura nga Komisioni Qendror i Zgjedhjeve, në 17 komuna janë shënuar fitore të kandidatëve me mbi 50% të votave, ndërsa 21 komuna do të shkojnë në balotazh.

Bazuar në rezultatet preliminare të KQZ-së, PDK ka fituar 4 komuna pa balotazh, Aleanca për AAK dhe LDK nga 2 komuna, kurse Lëvizja Vetëvendosje nuk ka arritur fitore pa balotazh. Ndërkaq, Lista Serbe ka fituar në 9 komuna.

Ditën e djeshme janë dorëzuar 46 ankesa në Panelin Zgjedhor të Ankesave dhe Parashtesave me pretendimet se ka pasur parregullsi në procesin zgjedhor.

Ankesat e bërë do të shqyrtohen dhe vendosen nga PZAP brenda afatit ligjor prej 72 orëve.

LEXONI GJITHASHTU:

• Abdixhiku: Zgjedhjet e 17 tetorit, rikthim i LDK-së
• Nurellari: Zgjedhjet në Kosovë, fitore e opozitës dhe ‘shuplakë’ për Kurtin
• Osmani: Strukturat ilegale të Serbisë ndikuan zgjedhjet komunale