Përjashtimi i 4 deputetëve, Kapllanaj: Alibeaj zbatoi vendimin e Kryesisë së PD-së

Kandidati për kreun e bashkisë në Mallakastër Agron Kapllanaj tha se Enkelejd Alibeaj ka zbatuar vendimin që ka marrë Këshilli dhe kryesia e PD-së për përjashtimin e katër deputetëve nga grupi parlamentar i PD-së.

Në një intervistë për Euronews Albania ai tha se është në mbështetje të Alibeajt dhe se vendimin e tij e ka votuar.

“Kjo përplasje nuk ka lindur sot po përpara një viti që kur Berisha fitoi betejën e vet personale dhe për këtë përdori PD-në. Kjo tashmë është e qartë dhe nuk mund të fshihet. Unë nuk jam afër Alibeajt por jam afër PD-së.

Unë jam afër kryetarit të PD-së sepse aty aderojë dhe sigurisht jam në mbështetje të tij. Unë i qëndroj vendimit që është marrë dhe kam qenë një nga ata që e kam votuar këtë vendim. Nuk shoh asnjë gjë të veçantë në këtë moment. Alibeaj ka zbatuar vendimin që ka marrë Këshilli dhe kryesia e PD-së”- thotë Kapllanaj.

LEXONI GJITHASHTU: 

• Salianji zëvendëson Alibeajn? Baçi: Çfarë pritet të ndodhë në PD
• Messi merr ‘ofertën e çmendur’ nga Arabia Saudite, mund të zbresë Ronaldon nga froni
• Luftime të ashpra në Soledar, Ukraina: U vranë 100 pushtues