Më shumë se 100 ushtarë rusë janë vrarë pranë qytetit minerar Soledar, ka pohuar Ukraina.
Zona, në lindje të vendit, është përfshirë nga luftime të ashpra ditët e fundit, me Rusinë që pretendon se ka marrë nën kontroll qytetin natën e kaluar.
Megjithatë, presidenti i Ukrainës Volodymyr Zelenskyy i mohoi pretendimet e rusëve, duke thënë se qyteti ishte ende nën kontrollin e Ukrainës.
Në një përditësim në aplikacionin e mesazheve Telegram, forcat e operacioneve speciale të Ukrainës thanë se personeli ushtarak rus u vra falë punës së koordinuar të “ushtarëve, gjuajtësve dhe raketave”.
“Si rezultat i këtyre disa goditjeve, u konfirmua vdekja e më shumë se 100 pushtuesve”, njoftohej në deklaratë.
Soledar do të ishte një fitim i rëndësishëm për trupat ruse, pasi kapja e tij mund t’i ndihmojë ata në sulmin e tyre ndaj qytetit strategjik ukrainas Bakhmut, i cili ndodhet mjat afër.
