Përjashtimi i deputetëve nga Kuvendi, Korreshi: S’ia mbyllin dot gojën opozitës

Sekretariati për Procedurat, Votimet dhe Etikën në Kuvend me tre vota pro e dy kundër përjashtoi për 10 ditë nga seancat plenare dhe komisionet parlamenare, deputetët Sali Berisha, Belind Këlliçi, Flamur Noka, Edmond Spaho dhe Edi Paloka.

Ndërkohë vendimi u komentua nga deputeti Saimir Korreshi i cili tha se kjo është maskaradë e parlamentit shqiptar.

Ai tha përjashtimi i deputetëve për një periudhë 10 ditore nuk i mbyll gojën opozitës ndërsa shtoi se nga sot Kryeministri Edi Rama dhe kryetarja e Kuvendit Lindita Nikolla janë kthyer në Palaço.

“Maskarada e Parlamentit shqiptar vazhdon dhe në seancën e sotme  të Sekretariatin për etikën, procedurat e votimet. Ata morën vendimin për përjashtimin e Berishës, Palokës, Këlliçit, Spaho dhe Noka për 10 ditë. Që sot e tutje Nikollës, Ramës do i drejtohemi me fjalën palaço. Palaço Rama do të vazhdojë me palaçolliqet e tij edhe pse i është shtrënguar laku. Me kartonat dhe votat që kanë sot nuk mund të bullizojnëopozitën. Që sot, është palaço parlament, palaço kryeministër dhe palaço qeveri”- tha ai.

LEXONI GJITHASHTU: 

• Frikë për destabilizim më 4 shkurt, ekspertët ngrenë alarmin në RMV
• Përjashtohet për 10 ditë nga Kuvendi Sali Berisha dhe 4 deputetë të PD-së
• “Jam i pafajshëm” Rrëzohet kërkesa e ish-shefit të policisë të implikuar me Habilajt