Përjashtohet nga seanca plenare Agron Shehaj, bllokoi foltoren për disa minuta

Deputeti Agron Shehaj është përjashtuar nga seanca plenare gjatë kësaj të enjteje. Përjashtimi i tij u bë pasi bllokoi foltoren për disa minuta ndërkohë që kryeparlamentarja Elisa Spiroplai i kishte dhënë fjalën deputetit Sali Berisha.

Shehaj kishte kërkuar interpelancë me Belinda Ballukun, por kryeparlamentarja Spiropali tha se Balluku ndodhej jashtë vendit dhe se interpelanca do vendosej në kalendar. Por duke qenë se Balluku u paraqit në seancë, Shehaj këmbënguli sërish për të mbajtur interpelancën me të duke bllokuar foltoren.

“Zhblloko foltoren! Dilni nga foltorja, fjalën e ka deputeti Sali Berisha. Do iu heq të drejtën e fjalës e nuk do keni mundësi të diskutoni në seancë. Unë e di që ju si parti e re doni të nxirrni jashtë këta të vjetrit, por bëjeni me fjalë jo me bllokim foltore, se po qe për bllokim foltore për revolucion, ua kalojnë ata se kanë më shumë eksperiencë. Fjalën e ka deputeti Sali Berisha”,-tha Spiropali.

E duke qene se deputeti Shehaj refuzoi të largohej nga foltorja, kryeparlamentarja Spiropali e përjashtoi atë nga seanca.

“Dilni nga foltorja! Jen i përjashtuar nga seanca zoti Shehaj! Jeni i përjashtuar nga seanca në bazë të nenit 65. Ju paralajmërova disa herë”,-tha ajo.

Pas përjashtimit të tij, seanca u ndërpre për një pushim.

Deputeti Shehaj akuzoi ministren Belinda Balluku se po shmang një interpelancë prej 6 muajsh për skandalin e Thumanë-Kashar, kostoja e të cilës në koncesion sipas tij, shkon në 3 mld euro nga xhepat e shqiptarëve.

LEXONI GJITHASHTU:

• “Situata në Ukrainë po ndryshon dramatikisht”- Putin mban konferencën vjetore
• Misteri i jetës së Parashqevi Simakut, letra shpjeguese e ish-bashkëshortit