Përkeqësohet moti në Elbasan, stuhia dëmton biznese dhe shkul pemë

Përkeqësimi i papritur i motit është shoqëruar me stuhi në Elbasan e cila ka zgjatur për rreth një orë.

Si pasojë e mbizotërimit të motit me stuhi të shoqëruar me erë të fortë në qytet janë shkulur pemë si edhe janë dëmtuar disa tenda biznesesh. Fatmirësisht nuk ka pasur dëme në njerëz.

Ndërkohë, po punohet për normalizimin e situatës së krijuar nga moti i keq. Burime zyrtare nga Bashkia e Elbasanit konfirmuan se nga ana e ekipeve të shërbimit zjarrfikës po punohet me intensitet të lartë në të gjitha zonat ku janë shkaktuar probleme nga moti i keq.

Ndërhyrjet emergjente paraprakisht janë përqendruar në zonat ku janë shkulur pemë të mëdha që kanë shkaktuar bllokim të qarkullimit në disa segmenteve rrugore .

LEXONI GJITHASHTU:

• Të paktën 6 të vdekur nga stuhia në Teksas, 3 milionë pa energji elektrike
• I nxehti ekstrem godet Indinë Veriore, temperaturat arrijnë mbi 45 gradë