Përkeqësohet moti në vend, Peleshi: Reshje shumë intensive në Kukës e Shkodër

Ministri i Mbrojtjes Niko Peleshi ka dhënë detaje në lidhje me përkeqësimin e motit që pritet të përfshijë vendin tonë në ditët në vijim.

Në një deklaratë për mediat ai tha se deri më 21 janar do të ketë reshje shumë intensive në Kukës dhe në Shkodër e më pak intensive në Dibër dhe Lezhë.

“Gjenerimi në kaskadë do të jetë i përqendruar në regjim maksimal në HEC e Fierzës, të Komanit e Vaut të Dejës. Parashikimi i reshjeve deri në ditët e vazhdim,

Sot priten reshje shumë  intensive në Kukës, Shkodër, reshje intensive në Dibër dhe Lezhë dhe reshje më pak intensive në qarqet e tjera të vendit.

Priten që reshjet të shoqërohen me shtrëngata. Prurjet në kaskadën e lumit Drin do të pësojnë rritje prej mëngjesit të ditës së sotme dhe do të vijojnë në rend rritës deri më 21 janar”- tha ai.

Ai u bëri thirrjeve bashkisë së Shkodrës dhe Lezhës në veçanti por edhe bashkive të tjera që të marrin masat për reshjet që pritet që të shoqërojnë vendin.

Shkodra duhet të marrë masat dhe të paralajmëroi popullsinë, të monitorojë lumenjt e Bunës, Kilit e Drinit, kontrollin e vazhdueshëm të gjendjes së argjinaturave të lumenjve si dhe të digave të ujëmbledhësve. Të mbajë në gatishmëri kapacitete logjistike dhe burimet njerëzore të forcave operacionale për përballimin e çdo situate të mundshme.

Bashkia Lezhë të marrë masa për paralajmërimin e popullsisë si dhe të monitorojë lumin Drin dhe kontrollin e argjinaturave. Kjo vlen për të gjitha bashkitë.

LEXONI GJITHASHTU: 

• Përkeqësimi i motit, Peleshi zbulon zonat që rrezikojnë të ketë përmbytje
• Arrestimi i Denaros, Agalliu: Në arrati janë dhe 4 liderë të tjerë të mafies