Përmbyset makina në Korçë-Pogradec, shpëton mrekullisht shoferi

Një aksident i frikshëm është shënuar mbrëmjen e sotme në aksin rrugor Korçë-Pogradec pranë fshatit Zvirinë.

Një automjet ka humbur  kontrollin dhe ka dalë nga rruga duke u përmbysur. Si pasojë e aksidentit janë shënuar dëme të shumta materiale, ndërsa drejtuesi i mjetit ka shpëtuar mrekullisht me disa të gërvishtura.

Policia mbërriti në vendngjarje për zbardhjen e rrethanave të aksidentit dhe sqaruar shkaqet në rast se drejtuesi mjetit ka humbur kontrollin nga shpejtësia apo mund të ketë konsumuar alkool.

Hetimet mbi aksidentin vijojnë.