Përmbytje në Greqi, shqiptari nga Mykonos: Uji ka ndërhyrë në banesat e familjeve

Elpon Imerja, sipërmarrës ndërtimi i cili jeton në Greqi, tha në emisionin “Real People” se në disa zona të Greqisë ka pasur disa përmbytje këto ditë.

Ai shpjegon se problematikat më të shumta paraqiten aty ku në shumë familje ka pasur ndërhyrje të ujit brenda në banesë.

“Ditën e djeshme ka pasur reshje intensive kryesisht në Paros dhe Mykonos, të cilat kanë zgjatur rreth dy orë. Sigurisht, kjo ka bërë që të krijohen përmbytje pasi janë bërë edhe disa rregullime në rrugë. Në shtëpitë e shumë familjeve është futur ujë duke shkaktuar probleme, por rrezik në jetë njerëzisht nuk ka pasur.

Intensiteti i shirave ishte i lartë pas ishte shi i fortë dhe i rrëmbyeshëm, me breshër. Unë vetë nuk kam pasur dëme në biznese por bashkatdhetarë të mi kanë pasur. Rrugicat në Mykonos janë të ngushta, dhe kjo bën që kur forca e ujit të jetë e fortë të mos ketë as hapësirë dalje.

Na lajmëruan që do ketë reshje të dendura shiu, që të mos ketë lëvizje të panevojshme”, tha sipërmarrësi nga Greqia.

LEXONI GJITHASHTU:

• Thirrja e seancës konstituive në Kosovë, reagon deputet i zgjedhur i PDK-së
• Gjendet i vdekur ushtari i katërt amerikan i zhdukur në kënetën e Lituanisë