Përmbytjet në Brazil: Të paktën 136 persona kanë vdekur dhe 125 janë të zhdukur

Numri i të vdekurve nga përmbytjet në shtetin brazilian të Rio Grande do Sul është rritur në 136 dhe 125 persona janë ende të zhdukur, thanë autoritetet lokale.

Më herët u bë e ditur se nga përmbytjet humbën jetën 126 persona. Rreth 537,000 njerëz u detyruan të largoheshin nga shtëpitë e tyre për shkak të përmbytjeve, raporton Reuters.

Reshjet e dendura, të lidhura me El Niño-n e fortë të këtij viti, kanë bërë që disa lumenj dhe liqene në atë pjesë të Brazilit të arrijnë nivelet më të larta ndonjëherë dhe të vërshojnë brigjet e tyre.

LEXONI GJITHASHTU:

• Përmbytjet në Kenia, të mbijetuarit kërkojnë të dashurit ndërsa urdhërohet evakuimi
• Izraeli urdhëron më shumë evakuime ndërsa luftimet në Rafah intensifikohen