Përmbytjet në Europë, Ministria e Jashtme njofton se nuk ka shqiptarë të prekur

Ministria për Evropën dhe Punët e Jashtme ka njoftuar se deri më tani nuk ka shtetas shqiptarë të prekur nga moti i keq që ka përfshirë Gjermaninë, Belgjikën, Holandën dhe Zvicrën.

Në njoftim thuhet se ministrja për Evropën dhe Punët e Jashtme, Olta Xhaçka dhe përfaqësitë diplomatike shqiptare në këto vende janë në kontakt të vazhdueshëm me autoritetet vendase.

“Për të gjithë shtetasit shqiptarë që ndodhen në Gjermani, Belgjikë, Holandë dhe Zvicër, lutemi të kontaktoni me ambasadat e Republikës së Shqipërisë në numrat e emergjencës si më poshtë:  Ambasada e RSH-së në Berlin: +49 174 8619587; Ambasada e RSH-së në Belgjikë:  + 0032485401237; Ambasada e RSH-së në Holandë: +31616275159;Ambasada e RSH-së në Zvicër:  +41774099729”, thuhet në njoftim.

Nga moti i keq, deri më tani raportohet për të paktën 90 persona të vdekur dhe më shumë se 1000 të tjerë të zhdukur në Gjermani.

Kancelarja Angela Merkel premtoi mbështetje të plotë për të prekurit, duke thënë se qeveria e saj nuk do ta lërë vetëm popullin “në këtë kohë të vështirë dhe të tmerrshme”.

LEXONI GJITHASHTU:

• 90 viktima dhe mbi 1000 të zhdukur nga përmbytjet në Gjermani
• Shirat e dendur shkaktojnë përmbytje, të paktën tetë të vdekur në Gjermani dhe Belgjikë
• Mot ekstrem në Evropë, përmbytje në Gjermani dhe Zvicër