Përmbytjet në Shkodër, policia evakuon 2 familje që ishin izoluar nga uji

Grupi i evakuim-shpëtimit dhe grupi alpin i FNSH Shkodër, ka evakuar dy familje në në lagjen Ajasem, në Shkodër, pasi ishin izoluar nga uji.

Policia bën me dije se njëri prej pjesëtarëve të familjeve ishte i sëmurë dhe kishte nevojë për ndihmë mjekësore.

Mësohet se policia me ndihmën e mjeteve të lundrimit kanë bërë të mundur evakuimin e pjesëtarëve të të dyja familjeve, si dhe dërgimin në spital, të njërit prej tyre, i cili pas ndihmës mjekësore u dërgua në banesën e të afërmve të tij.

“Nisur nga situata e krijuar, të gjitha shërbimet e Policisë së Shtetit në të gjithë vendin kanë kaluar në shërbim të përforcuar dhe janë në gatishmëri për t’iu ardhur në ndihmë banorëve, në rast nevoje”- njoftojnë blutë.

LEXONI GJITHASHTU: 

• Përmbytjet në Shkodër, policia evakuon 2 familje që ishin izoluar nga uji
• Uji merr para makinën në Bogë, polumbarët në kërkim të babë e bir. Shpëton vajza