Përmet|Po fotografonte, turistja gjermane bie nga ujëvara! Me helikopter te ‘Trauma’

Nje turiste gjermane ka rënë nga ujëvara në zonën e Çarçovës, në Përmet.

Sipas burimeve për Euronews Albania, turistja gjermane me inicialet G.U. ishte pjesë e një grupi turistësh gjermanë, që ishin duke vizituar kurorën e gjelbër në Çarçovë.

Mësohet se ngjarja e rëndë ka ndodhur teksa ajo ishte duke fotografuar, duke rënë në ujëvarë ku dhe është lënduar në kokë.

Ajo ëdhtë transportuar në Spitalin Rajonal të Gjirokastrës për ndihmë mjekësore dhe më pas është çuar me helikopter në spitalin e Traumës në Tiranë.

Sipas mjekëve, turistja gjermane ëshë në rrezik për jetën, pasi dëmtimet që ka marrë janë serioze.

Njoftimi i Policisë:

Përmet/Informacion paraprak

Në fshatin Çarshovë, në vendin e quajtur “Ura e Stermbecit”, një grup turistësh gjermanë po eksploronin me këmbë, zonat turistike, të shoqëruar nga shtetasi M. B., 40 vjeç, banues në Tiranë.

Shtetasja gjermane S. M., 47 vjeçe, duke bërë fotografi ka humbur ekulibrin, është rrëzuar dhe për pasojë ka marrë dëmtime fizike.

Menjëherë 47-vjeçares i është dhënë ndihma e parë mjekësore, nga ekipi i urgjencës së spitalit të Përmetit dhe shërbimeve të Policisë.

Shtetasja S. M., si pasojë e plagëve të marra, është transportuar me helikopter në drejtim të Spitalit të Traumës, për mjekim më të specializuar.

Grupi hetimor po punon për sqarimin e rrethanave të ngjarjes.

LEXONI GJITHASHTU:

• Turistja kroate bie në terrenin e thepisur në “Majën e Jezercës”, gjendet e vdekur
• Ishte me bashkëshortin, turistja spanjolle abuzohet në grup në Indi