Përparim Rama shpall fitoren në Prishtinë: Fituam besimin tuaj me punë e vizion

Kryetari aktual i Bashkisë së Prishtinës, Përparim Rama ka dalë në një konferencë në media lidhur me rezultatin e deritanishëm të zgjedhjeve. Rama theksoi se rezultati dhe qytetarët treguan se duan që Prishtina të zhvillohet dhe se planet e tyre kanë marrë mbështetje.

“Sot u vërtetua se projektet e mëdha dhe programi ynë për transformimin  e Prishtinës ka marrë jo vetëm mbështetjen por edhe legjitimitetin e plotë për 4 vitet qe vijnë. Kemi fituar besimin tuaj për punën dhe vizionin qe kemi krijuar në këto 4 vite. Sot qytetarët tanë dhanë një mesazh të qartë: Ne duan zhvillim, vizion në një qytet metropolitan.

Prishtina është motor i zhvillimit në çdo fushe dhe si e tillë duhet të jetë fokusi i çdo qeverisjeje qendrore. Për një kryeqytet që rritet me dinjitet, Prishtina po transformohet dhe askush nuk mund ta ndalë. Me entuziazëm e përkushtim do të vazhdojmë të dëshmojë se rruga për transformimin e Prishtinës është rruga e vetme e mirë për të gjithë qytetarët tanë”, tha ai.

Rama deri tani është forcë e parë në Prishtinë me një rezultat të ngushte me Hajrulla Çekon e LVV-së gjë e cila sipas rezultateve të deri tanishme mund të shkojë në balotazh.