Një aksident është shënuar në hyrje te autostradës Lushnje-Fier mëngjes e së dielës.

Policia tha se ngjarja ndodhi rreth orës 07:30, në vendin e quajtur “Safari park”, ku automjeti tip “Ford” me drejtues shtetasin F. B., 61 vjeç, banues në Fier, është përplasur me automjetin tip “Mazda”, me drejtues shtetasin M. Z., 62 vjeç, banues në Ballsh.

Si pasojë e përplasjes janë dëmtuar dhe ndodhen në spital, në kujdesin e mjekëve, dy pasagjere, shtetaset G. G., 25 vjeçe dhe A. B., 56 vjeçe.

Gjithashtu janë dëmtuar lehtë edhe 2 drejtuesit e mjeteve si edhe 6 pasagjerë në këto mjete, të cilët po kryejnë ekzaminimet mjekësore në spital.

Grupi hetimor po punon për përcaktimin e shkaqeve të aksidentit.

LEXONI GJITHASHTU:

• Aksident i rëndë në Pogradec, plagosen 5 persona, 1 në gjendje të rëndë
• Aksident i shumëfishtë në Korçë-Pogradec, 7 të plagosur, mes tyre dy të mitur