Përplasen 2 automjete në Berat-Roskovec, aksidentohet bariu, humb jetën në spital

Një person ka humbur jetën në një aksident të rëndë të ndodhur mbrëmjen e së hënës në aksin rrugor Berat-Roskovec.

Policia tha se aksidenti ndodhi në fshatin Suk 1, automjeti me drejtues shtetasin Q. M.,  është përplasur me automjetin me drejtues shtetasin K. A.

Paraprakisht dyshohet se shkak i aksidentit është bërë ndërprerja e rrugës nga disa bagëti të imëta.

Si pasojë e përplasjes ka ndërruar jetë shtetasi F. G, i cili po kalonte bagëtitë e imëta në rrugë, ku disa krerë bagëti kanë ngordhur, po si pasojë e përplasjes.

Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit.