Përplasen 2 automjete pranë Shkëmbit të Kavajës, 2 të plagosur

2 automjete janë përfshirë në një aksident pak minuta më parë pranë vendit të quajtur Zifti, rreth 3 km larg Shkëmbit të Kavajës.

Nga informacione paraprake mësohet se shkak është bërë parakalimi i gabuar i “Benz”-it, i cili ka përfshirë në aksident edhe një automjet tip “Ford”.

Si pasojë e përplasjes kanë mbetur të lënduar 2 drejtuesit e automjeteve, si dhe dëme të shumta materiale.

Të plagosurit janë dërguar në spitalin e Durrësit, ku ndodhen nën kujdesin e bluzave të bardha, jashtë rrezikut për jetën.

Grupi hetimor është në vendngjarje dhe po heton për rrethanat në të cilat u regjistrua aksident.

LEXONI GJITHASHTU:

• Aksident në aksin Kapshticë-Bilisht, një i vdekur dhe një i plagosur
• Aksidentoi të miturin dhe u largua nga vendngjarja, në kërkim polici