Një aksident me pasojë vdekjen e një personi dhe plagosjen e një tjetri ka ndodhur të mërkurën në rrugën e vjetër “Elbasan-Tiranë”.

Policia tha se aksidenti u shënua në fshatin Gracen, ku automjeti me drejtues shtetasin G. S., 62 vjeç, është përplasur me automjetin me drejtues shtetasin N. S., rreth 72 vjeç.

Nga aksidenti ka humbur jetën shtetasi N. S. dhe është dëmtuar shtetasi G. B., pasagjer në automjetin me drejtues shtetasin G. S.

Shtetasi G. S. është shoqëruar në polici, për kryerjen e veprimeve procedurale.

Grupi hetimor në vendngjarje po punon për zbardhjen e rrethanave të aksidentit.

LEXONI GJITHASHTU:

• Aksident i rëndë në qytetin e Vlorës, humb jetën një person
• Aksident në Dimal| Makina përplas 55-vjeçarin, arrestohet drejtuesi i mjetit