Përplasen dy automjete në Pogradec-Qafë Thanë, raportohet për 5 të lënduar

Një aksident i rëndë ka ndodhur paraditen e kësaj të mërkure në aksin Pogradec Qafë-Thanë. Sipas informacioneve paraprake bëhet me dije se si pasojë e aksidentit kanë mbetur të lënduar 5 persona, përfshirë drejtuesit e dy mjeteve që janë përplasur.

Të lënduarit janë dërguar me urgjencë në spital, ku po marrin kujdesin e nevojshëm mjekësor.

Grupi hetimor po punon për sqarimin e rrethanave dhe përcaktimin e shkakut të aksidentit.

“Rreth orës 12:00, në aksin “Pogradec-Qafë Thanë”, automjeti tip “Volksëagen” me drejtues shtetasin I. R. është përplasur me automjetin tip “Benz” me drejtues shtetasin P. G.

Nga aksidenti janë dëmtuar 2 drejtuesit e automjeteve dhe 3 pasagjerë në automjetin tip “Volksëagen”, të cilët po marrin mjekim në spital”, thuhet në njoftimin e policisë.

LEXONI GJITHASHTU:

• Aksident i rëndë në autostradën Vlorë-Fier! Plagosen prindërit dhe dy vajzat
• Aksident në Dimal| Makina përplas 55-vjeçarin, arrestohet drejtuesi i mjetit