Përplasen dy mjete në Tiranë, ndërron jetë 7-vjeçari që ndodhej në rrugë

Dy makina në Tiranë janë përplasur këtë të shtunë rreth orës 18:25. Si pasojë një i mitur rreth moshës 6-7 vjeç që po kalonte në rrugë ka humbur jetën.

Ngjarja ka ndodhur në fshatin Bërxull, në rrugën “Shkëndija”.

Njoftimi i plotë i policisë:

Më datë 03.06.2023, rreth orës 18:25, në fshatin Bërxull, në rrugën “Shkëndija”, janë përplasur automjeti me drejtues shtetasin E. H., 30 vjeç, me automjetin me drejtues shtetasin N. A., 63 vjeç.

Si pasojë ka ndërruar jetë aksidentalisht nga përplasja e dy mjeteve, një i mitur rreth moshës 6-7 vjeç, i cili ka qenë në rrugë.

Grupi hetimor ndodhet në vendngjarje dhe po punon për sqarimin e rrethanave të aksidentit.

LEXONI GJITHASHTU:

• Aksident në aksin Pogradec -Qafë Thanë, përmbyset furgoni
• Tjetër aksident në Pogradec, makina batohet në mes të rrugës