Përplaset 2 automjete në rrugën Transballkanike, 2 të plagosur

Një aksident me pasojë plagosjen e dy personave ka ndodhur mbrëmjen e së hënës në rrugën Transballkanike Vlorë.

Dy automjete janë përplasur mes tyre, njëri prej të cilëve ka përfunduar në rrethrotullim.

Dy të plagosurit janë transportuar në spital për të marrë ndihmën e nevojshme mjekësore.

Përmes një njoftimi zyrtar policia sqaron se aksidenti ndodhi  rreth orës 19:30, në rrugën “Gjergj Kastrioti”, në vendin e quajtur rrethrrotullimi i Omonies, ku një automjet tip “Benz” me drejtues shtetasin V. B., është përplasur me një automjet tip “Audi” me drejtues shtetasin E. R.

Si pasojë e përplasjes kanë mbetur të dëmtuar dy drejtuesit si dhe një pasagjer në automjetin “Audi”, shtetasi A. C., të cilët ndodhet në spitalin e Vlorës, nën kujdesin e mjekëve.

LEXONI GJITHASHTU:

• 2 shoferë të arrestuar, njëri për aksident me pasojë vdekjen
• Babë dhe bir u përpinë nga rrjedha, detaje nga aksident i rëndë në Shkodër