Babë dhe bir u përpinë nga rrjedha, detaje nga aksident i rëndë në Shkodër

U deshën më shumë se 16 orë kërkime për gjetjen e dy trupave, babë dhe bir të mbytur ditën e dielë në Bogë të Shkodrës.

Rrjedha e fuqishme e përroit të ‘Nicajve’ mori përpara fuoristradën ku udhëtonin 3 pjesëtarë të familjes Rushaj.

Në momentin e rënies së automjetit në rrjedhën e përroit, fatmirësisht një banor i zonës ka bërë të mundur nxjerrjen dhe shpëtimin e vajzës që ndodhej në automjet bashkë më babain dhe të vëllain. Ndërsa këta të fundit nuk mundën dot të dilnin.

Menjëherë forcat RENEA me polumbarët e tyre nisën kërkimet, por ishte e vështirë për shkak të reshjeve që binin pa pushim.

Trupat e Pjetër Rushaj 50 vjeç dhe djalit të tij 18 vjeç u nxorën mëngjesin e kësaj të hënë.

Dyshohet se 50-vjecari është treguar neglizhent në momentin e kalimit të përroit, i cili mesa duket ishte më i fuqishëm se sa dukej, duke shkaktuar një tragjedi për familjen Rushaj.

LEXONI GJITHASHTU:

• Përmbytjet, 9 deputetë të PD-së kërkojnë interpelancë urgjente me Ramën
• Momenti kur polumbarët gjejnë babë e bir të pajetë në përroin e fshatit Bogë (VIDEO)
• Gjenden trupat e pajetë babë e bir në Malësinë e Madhe