Policia e Tiranës ka arrestuar një 44-vjeçare pasi ka përplasur me automjet një fëmijë 3-vjeçar dhe është larguar nga vendngjarja.
Specialistët e qarkullimit rrugor arrestuan shtetasit R. S., 44 vjeçe, pasi në rrugën “3 Dëshmorët” ka aksidentuar një fëmijë 3 vjeç dhe më pas është larguar nga vendngjarja. 3-vjeçari ndodhet në spital, nën kujdesin e mjekëve”, bëri me dije policia.
Gjithashtu nga policia e Tiranës u vu në pranga S. K., 61 vjeç, pasi në rrugën “Hekuran Deda” është përplasur me motomjetin me drejtues një të mitur 17 vjeç. Si pasojë është dëmtuar 17-vjeçari, i cili ndodhet në spital, jashtë rrezikut për jetën.
Në vijim të veprimeve është proceduar në gjendje të lirë 17-vjeçari pasi drejtonte motomjetin pa lejen përkatëse.
LEXONI GJITHASHTU:
- Procedohet penalisht nëna që përplasi në tokë foshnjën 5-muajshe
- EMRI| I iku disa herë policisë pasi përplasi disa mjete, arrestohet shoferi në Vlorë
