Përplasi për vdekje punonjësin e pastrimit e u largua, arrestohet shoferi 29-vjeçar

Policia ka mundur të arrestojë drejtuesin e automjetit i cili përplasi për vdekje punonjësin e pastrimit të rrugëve dhe u largua nga vendngjarja.

Aksidenti i rëndë ndodhi të hënën në autostradën “Tiranë-Durrës”, ku 51-vjeçari Sh.A., ndërroi jetë si pasojë e plagëve të marra pas përplasjes nga mjeti që drejtohej nga 29-vjeçari i arrestuar.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

“Specialistët e Qarkullimit Rrugor të DVP Durrës arrestuan në flagrancë shtetasin A. Y., 29 vjeç, banues në Këlcyrë, Përmet, pasi automjeti që drejtohej nga 29-vjeçari, ditën e djeshme, përplasi në autostradën “Tiranë-Durrës”, shtetasin Sh. A., 51 vjeç, banues në Tiranë (punonjës për pastrimin e rrugëve). Për shkak të dëmtimeve të marra, 51-vjeçari ka humbur jetën ditën e sotme, në spital”, thuhet në njoftimin e policisë.

LEXONI GJITHASHTU:

• Tapë në timon duke shkuar në punë, polici shkakton aksident. Arrestohet nga kolegët
• Gjoba deri në 2000 lekë për këmbësorët, policia do mbajë “peng” ID deri në shlyerje
• Mesazhet e kriptuara të krimit, aplikacionet me pagesë që përdorin grupet krimina