Tapë në timon duke shkuar në punë, polici shkakton aksident. Arrestohet nga kolegët

Agjencia e Mbikëqyrjes Policore, arrestoi në flagrancë punonjësin e Policisë, Inspektor R.XH., 58 vjeç, me detyrë Trup Shërbimi në Stacionin e Policisë Kufitare Pustec, në Drejtorinë Vendore për Kufirin dhe Migracionin Korçë.

58-vjeçari dyshohet për veprën penale “Drejtimi i automjeteve në mënyrë të parregullt”.

Sipas AMP, inspektori i policisë, duke drejtuar mjetin në rrugën nacionale Korçë – Bilisht mëngjesin e sotëm, është përfshirë në aksident rrugor me dëme materiale, me një mjet tip furgon.

Nga testet e kryera në vendngjarje ka rezultuar se punonjësi i Policisë kishte konsumuar alkool tej normave të lejuara.

Sipas AMP, inspektori në gjendje të dehur ishte duke shkuar për të marrë detyrën.

Materialet procedurale në ngarkim të tij u referuan në prokurorinë e Korçës, për veprime të mëtejshme.

LEXONI GJITHASHTU:

• Gjoba deri në 2000 lekë për këmbësorët, policia do mbajë “peng” ID deri në shlyerje
• Mesazhet e kriptuara të krimit, aplikacionet me pagesë që përdorin grupet kriminale