Aksidentoi për vdekje punonjësin e policisë dhe u largua, arrestohet 27-vjeçari

Policia e Fierit ka arrestuar 27-vjeçarin i cili mbrëmjen e së dielës, u përfshi në një aksident në aksin Patos-Fier, ku ndërroi jetë një punonjës policie.

Pas përplasjes me automjetin e efektivit, 27-vjeçari u largua me urgjencë nga vendngjarja por mundi të identifikohej dhe të arrestohej këtë të hënë.

Materialet në ngarkim të tij i kaluan prokurorisë për veprime të mëtejshme.

“Në vijim të informacionit paraprak të dhënë mbrëmjen e djeshme, në lidhje me një aksident rrugor, në aksin rrugor “Patos-Fier”, specialistët e Sektorit të Qarkullimit Rrugor të DVP Fier arrestuan në flagrancë shtetasin G. H., 27 vjeç, banues në Patos, për veprën penale “Shkelja e rregullave të qarkullimit rrugor”, pasi ka aksidentuar, me pasojë vdekjen, shtetasin A. S. (punonjës policie në Stacionin e Policisë Patos)”, thuhet në njoftimin e policisë.

LEXO GJITHASHTU:

• Përplasen dy makina në aksin Patos-Fier, humb jetën efektivi i policisë
• Sekuestrimi i pasurive të Vis Martinaj, Apeli i GJKKO shqyrton ankimin e familjarëve