Përplasja fizike në Kuvendin e Kosovës, Berisha: Shpreh keqardhjen time

Ish-kryeministri Sali Berisha ka reaguar në lidhje me përplasjen fizike në Kuvendin e Kosovës, ku deputetët e opozitës sulmuan me grushte kabinetin e kryeministrit Albin Kurti dhe atë vetë gjatë kohës që po fliste në Kuvend.

Berisha në fjalën e tij theksoi seshpreh keqardhjen në lidhje me pamjet që vijnë nga Kosova. Ish-kryeministri theksoi se kurrësesi në asnjë parlament nuk duhet të ndodhin skena të tilla dhune.

Pjesë nga deklarata:

Pyetje: Z.Berisha duke qenë se jeni 32 vite në Parlament, dhe një person me karrierë të gjatë politike në Kosovë ditën e sotme ka ndodhur një akt i rëndë, Kryeministri Kurti është sulmuar fizikisht në Kuvend nga deputetët e opozitës dhe ka ndodhur një përleshje fizike mes opozitës dhe qeverisë atje. Si e komentoni dhe a keni një thirrje për kolegët tuaj në Kosovë gjithmonë në cilësinë e një personi që ka vite në karrierë politike dhe është përballur me shumë situata?

Berisha: Absolutisht, shpreh keqardhjen time të thellë për sulme fizike. Ato nuk duhet të ndodhin kurrësesi në asnjë parlament, dhe sulmet fizike nuk janë zgjidhja e kundërshtimeve midis qeverisë dhe opozitës në parlament.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

• VIDEO| Përleshje fizike në Kuvendin e Kosovës, sulmohet kryeministri Kurti
• Sulmi ndaj Kurtit, reagon Rama: Sjellje e turpshme, e dëmton Kosovën
• Përplasjet fizike në kuvendin e Kosovës, reagon PDK: Qeveria e nisi dhunën