Përplasje në Tiranë, PD kërkon bllokimin e një zyre ku ndodhet Braçe

Një situatë e tensionuar është regjistruar në Tiranë vetëm pak minuta para orarit zyrtar të mbylljes së kutive të votimit.

Përfaqësues të PD kanë kërkuar ndërhyrjen e policisë dhe bllokimin e një zyre të PS pranë shkollës “Petro Nini” në kryeqytet ku ndodhen eksponentë të PS.

Gazetari i Euronews Albania, Ardit Hoxha raportoi se bëhet fjalë për një zyrë të PS, por pa logo, e cila sipas PD është brenda perimetrit të qendrës së votimit në kundërshtim me kodin zgjedhor.

Përfaqësues të Aleancës për Shqipërinë Madhështore si Adriana Kalaja, Tedi Blushi e të tjerë kanë kërkuar ndërhyrjen e policisë pasi kanë shprehur dyshimet se brenda kësaj zyre ndodhen eksponentë të Partisë Socialiste mes të cilëve Erion Braçe dhe janë me lista dhe sende të dyshimta. Ata kanë kërkuar bllokimin e këtij ambienti.

LEXONI GJITHASHTU:

• Voton Agron Shehaj: Sot është dita kur zëri juaj do dëgjohet, votoni ndryshimin
• Voton ministrja e Shëndetësisë Albana Koçiu, thirrja për qytetarët: Vota, fuqia juaj