Përplasjet në Komisionin e Medias, reagon Basha: Turp për këta burrecë të vegjël

Kryetari i PD Lulzim Basha ka reaguar pas përplasjeve të forta ndodhura mes deputetëve demokratë në mbledhjen e sotme në Komision e Medias.

Përmes një postimi në Twitter Basha e cilëson të turpshme dhunën e ushtruar sipas tij nga deputetët Flamur Noka e Gazment Bardhi ndaj deputeteve të PD, Flutura Açka e Merita Bakiu.

“Turp për këta burrecë të vegjël që mendojnë se duke sulmuar zonjat me dhunë verbale, tregojnë forcë. Kjo vetëm provon se sa të dobët janë”, shkruan Basha.

Mbledhja e komisionit të medias është shoqëruar me tensione të forta mes deputetëve të PD zyrtare dhe përfaqësuesve të Rithemelimit.

Deputetët e Flamur Noka dhe Gazment Bardhi janë përplasur me kryetaren e komisionit, Flutura Açka e cila është përfaqësuese e PD zyrtare duke tentuar t’i marrin mikrofonin.

Me tone të ashpra, Bardhi iu drejtua deputetes së PD, Merita Bakiut që të mos ndërhyjë për t’i dalë zot Lulzim Bashës.

“Lulzim Basha është shërbëtor i regjimit dhe një zagar që ka shit interesat e demokratëve. Të të vijë turp që i shkon nga mbrapa”, tha Bardhi.

LEXONI GJITHASHTU:

• Përplasje të forta në Komisionin e Medias, Noka tenton t’i marrë mikrofonin Açkës
• “Basha zagar që shiti interesat e demokratëve”, Bardhi përplaset me deputeten e PD