Përsëritja e zgjedhjeve në Tërnoc, Meta fton shqiptarët të votojnë Kamberin

Presidenti Ilir Meta ka ftuar shqiptarët të votojnë kandiatin për deputet të Kuvendit të Serbisë, Shaip Kamberi nesër në zgjedhjet e përsëritura në Tërnoc.

Përmes një statusi në faqen e tij zyrtare në Facebook, Meta shprehet se si ‘kandidat i vetëm për të përfaqësuar zërin e shqiptarëve në Luginë, atij i duhet e gjithë mbështetja e votuesve të Qendrës numër 6 në Tërnoc, për të kthyer prapa padrejtësinë e ripërsëritjes për herë të tretë të votimit’.

Ftoj të gjithë votuesit shqiptarë në këtë qendër votimi, që nesër masivisht t’u drejtohen kutive të votimit e të mbështesin Shaip Kamberin dhe “Koalicionin e Shqiptarëve në Luginë”.

Më 27 maj, Shaip Kamberi dhe Koalicioni i shqiptarëve të Luginës kërkojnë për herë të tretë mbështetjen  e shqiptarëve për të siguruar një vend në parlamentin e Serbisë pasi Gjykata Administrative në Beograd ka rrëzuar ankesën e Kolacionit të shqiptarëve të Luginës, duke lënë në fuqi vendimin e Komisionit Republikan Zgjedhor për përsëritjen e zgjedhjeve në njësinë numër 6 në Tërnoc.

LEXONI GJITHASHTU:

• Ka shpresë për një mandat shqiptar në parlamentin serb, pretendon Shaip Kamberi
• Shaip Kamberi pritet të jetë deputeti i vetëm shqiptar në Parlamentin serb