Përshkallëzim i situatës në veri? Përgjigjet ish-ambasadori Lauka

Islam Lauka, ish-ambasador i Shqipërisë në Kosovë tha në një intervistë për Euronews Albania se veriu i Kosovës është si minë me sahat.

Sipas tij, edhe atëherë kur situata duket e qetë, tensionet mund të shpërthejnë nga momenti në moment.

“Kjo është beteja e fundit që duhet ta përballojë Kosova për të ruajtur shtetësinë dhe pavarësinë e vet. Është një betejë jashtëzakonisht e vështirë, aq më tepër që këtu është në lojë Rusia,” – u shpreh Lauka.

Ai tha se një përshkallëzim është i mundur në rajon, jo në kuptimin e luftës, por tensioneve.

Zyrtarët serbë në veri të Kosovës kanë vazhduar të dorëhiqen nga institucionet e Kosovës, në shenjë pakënaqësie për planin e Qeverisë së Prishtinës  për riregjistrimin e makinave që kanë targa serbe.

Këtë të hënë  gjyqtarët serbë dhe punonjësit administrativë në Mitrovicë të Veriut kanë dhënë dorëheqje. Në gjykatën e këtij qyteti punonin ishin gjithsej 19 gjyqtarë serbë.

400 policë të komunitetit serb që u larguan dy ditë më parë, u zëvendësuan me policë të komunitetit shqiptar. Vendkalimet administrative (kufitare) funksionojnë normalisht, prania e Policisë Speciale të Kosovës, si dhe e pjesëtarëve të policisë së misionit EULEX është shtuar, por jo në numër të madh.

LEXONI GJITHASHTU:

• Lindita Nikolla për situatën në Kosovë: Dëgjoni ndërkombëtarët
• FOTO| Kapen mbi 3 kg heroinë në Fushë Kosovë, arrestohen 2 gra e 2 burra
• Çfarë po ndodh në veri të Kosovës?