Përshtati lokalin për lojëra fati, në kërkim pronari, dy të arrestuar

Dy persona janë arrestuar, një është proceduar në gjendje të lirë dhe një tjetër është shpallur në kërkim, në kuadër të operacionit policor të koduar “Poker 5”, për goditjen e aktivitetit të paligjshëm të lojërave të fatit.

Shërbimet e policisë kanë goditur një rast i organizimit të lotarive të palejuara, në ambientet e një lokali në Koplik, që ishte i paregjistruar në organet tatimore.

Si rezultat i këtij operacioni u arrestuan në flagrancë shtetasit: S. Z., 22 vjeç dhe Sh. B., 34 vjeç, banues në Koplik, për veprat penale “Moskallëzimi i krimit” dhe “Organizimi ose ushtrimi i veprimtarive të lojërave të fatit në kundërshtim me ligjin”.

Ndërkohë, në kërkim është shpallur pronari i lokalit, shtetasi L. G., 25 vjeç.

Gjithashtu u referuan materialet në prokurori dhe nisi procedimi në gjendje të lirë për shtetasin G. H., 45 vjeç, banues në Bogiq, Malësi e Madhe, për veprën penale “Moskallëzimi i krimit”.

Gjatë kontrollit të ushtruar nga shërbimet e Policisë, në Koplik, në ambientet e lokalit janë gjetur 1 tavolinë pokeri, 5 makineri elektronike për lojëra fati, një valixhe me çipsa që përdoren për lojëra fati, letra bixhozi dhe një sasi lënde e dyshuar narkotike canabis sativa, të cilat u sekuestruan në cilësinë e provës materiale.

LEXONI GJITHASHTU

• Në kërkim për atentatin ndaj dy vëllezërve Doçi, arrestohet 30 vjeçari në Tiranë
• Gazetari Lita tregon detajet: Në Shqipëri ka laboratorë të drogave sintetike
• Taulant Balla në përgjimet e Çapjave? Gazetari Lita zbulon detajet