“Persona me armë në Kuvend”/PD kallëzon në SPAK Spiropalin, Hoxhën, Prodën, Vocajn

Grupi Parlamentar i PD kallëzim penal në SPAK për Kryetaren e Kuvendit, Ministrin e Brendshëm, Drejtorin e Përgjithshëm të Policisë, Drejtorin e Policisë së Tiranës, disa punonjës të paidentifikuar policie.

Sipas PD, në Kuvend u futën persona të armatosur që kanosën me armë deputetët.

Më herët deputeti Gazment Bardhi tha për mediat se gjatë përplasjes së deputetëve dhe simpatizantëve të opozitës me policinë në hyrje të Parlamentit, njëri nga policët i ka treguar armën deputetit Luan Baçi.

Policia e shtetit ka reaguar për Euronews Albania lidhur me denoncimin e bërë nga PD, se gjatë përplasjeve para Parlamentit një punonjës i policisë i ka drejtuar armën deputetit Luan Baçi, duke theksuar se asnjë efektiv nuk ka pasur armë.

LEXONI GJITHASHTU:

• Tensione jashtë Kuvendit, Noka tenton t’i vërë flakën banderolës, Sula djeg xhaketën
• Dështon raportimi i kreut të KLSH në Kuvend, deputetët e opozitës bllokojnë foltoren