Petkoviç: Anëtarësimi i Kosovës në Këshillin e Evropës, gjest armiqësor ndaj Serbisë

Shefi i Zyrës për Kosovën në Qeverinë serbe, Petar Petkoviç, tha se anëtarësimi i Kosovës në Këshillin e Evropës do të ishte një “gjest armiqësor” karshi Serbisë, duke shtuar se Beogradi nuk do të ndalet së kundërshtuari këtë gjë “hapur, politikisht dhe në mënyrë procedurale”.

Përmes një njoftimi sot, Petkoviç tha se “ka një dëshirë për nxitim” për zgjidhjen e çështjes së statusit të Kosovës, për shkak të, siç tha ai, “disa interesave gjeostrategjike që kanë pak të bëjnë qoftë me Beogradin apo Prishtinën”.

Ai shtoi se Serbia i bën thirrje partnerëve të saj në Këshillin e Evropës “të kenë parasysh se një rezultat i tillë do të ishte precedent që do të shkatërronte vetë parimet fondamentale të kësaj organizate” kur vendosin që të përfshijnë edhe Kosovën.

LEXONI GJITHASHTU:

• Kosova pranë anëtarësimit në KiE, reagon ministri Hasani: Hap i rëndësishëm!
• Si do të mund t’i drejtohen shtetasit e Kosovës Gjykatës së Strasburgut?