Kryetari i Shoqatës së Botuesve Shqiptarë, Petrit Ymeri deklaroi se as Panairi i Librit, nuk do t’i ‘shpëtojë’ rritjes së çmimeve.
Në një intervistë për Euronews Albania, Ymeri u shpreh se ka pasur rritje të çmimit të letrës, çka do të sjellë edhe rritje të çmimit të librave.
Megjithatë, Ymeri nënvizoi se rritja e çmimit për librat është e vogël.
“Sa për dijeni të lexuesve, gjatë këtij viti ka pasur një rritje të çmimit të letrës në rang botëror, jo vetëm te ne, prej 80%. Kjo ka sjellë, detyrimisht, edhe industria jonë topografike ka rritur çmimet, sepse është rritur lënda e parë.
Edhe ne kemi bërë rritje çmimesh, por jo në atë masë që janë rritur çmimet e shtypit. Kemi bërë çmime të reja me një ndryshim fare të vogël. Ne e dimë gjendjen e lexuesit tonë dhe nuk duam që librat të mbeten në magazina. Ne kemi bërë rritje fare të vogla”, theksoi ai.
Në datat 16- 20 nëntor, do të mbahet Edicioni i 25- të i Panairit të Librit, aktiviteti më i madh libror do të bëjë bashkë autorë, lexues, botues dhe përkthyes.
Sipas një sondazhi nga Barometri në Euronews Albania, 74.8% e shqiptarëve nuk kanë lexuar asnjë libër gjatë vitit 2022.
Ndërkohë, vetëm 7.6% kanë lexuar një libër, 11.8% e tyre kanë lexuar 2-3 libra, 2.7% kanë lexuar 4-5 libra dhe 2.3% më shumë se 5 libra.
LEXONI GJITHASHTU
- 95 shtëpi botuese në Panairin e Librit, Ymeri: Punojmë vetëm për 20% të shqiptarëve
- 80% e shqiptarëve as kanë blerë, as kanë lexuar libër vitin e fundit
- Tregu i librit në krizë, Inflacioni i lartë rrit çmimet, librashitësit pesimistë
