“Petro, kartelet të nxorrën nga Parlamenti”, Berisha: Ku janë Sara e Zegjineja

Kryetari i Partisë Demokratike, Sali Berisha tha në seancën plenare të mbajtur këtë të enjte se në 11 maj partia socialiste u “damkos” si një parti e shkrirë me kartelet e drogës.

Ai shtoi se deputeti socialist Petro Koçi do të jetë jashtë parlamentit pasi nuk u zgjodh, e kjo sipas tij erdhi për shkak të përfshirjes së karteleve të drogës në PS.

Sali Berisha: U damkosët si një grup i shkrirë në një me kartelet e drogës. Petro Kush të nxori ty nga Parlamenti? Kartelet të nxorën. Unë e di që do dalësh këtu e do thuash, jo e jo, por ato të nxorën, se po të kishe qenë i tyre nuk dilje ti”,

Petro Koçi: Do ta jap unë përgjigjen.

Sali Berisha: Do ta japësh, por nuk ke çfarë të japësh se je automat. Nuk ke asgjë çfarë të japësh se e ke të programuar, flet s’flet njësoj flet. Ku janë këto Sara e Zegjineja, s’janë këtu, s’kanë ardhur akoma ato.