Pezullimi i paktit Rama-Meloni| Daci: Opozita italiane do dërgojë vendimin në GJK

Juristi Jordan Daci ishte i ftuar në emisionin “Review” në Euronews Albania, ku analizoi paktin e nënshkruar midis kryeministrit Edi Rama dhe kryeministres italiane Giorgia Meloni për kampin e refugjatëve afganë në Shëngjin të Gjadrit.

Dy ditë më parë gjyqtarët e Seksionit të Emigracionit në Gjykatën e Romës vendosën që 12 emigrantët e sjellë në Shqipëri duhet të ktheheshin në Itali, edhe pse kërkesat e tyre për azil ishin refuzuar.

Daci tha se opozita ka ndërmend të dërgojë vendimin në Gjykatën Kushtetuese dhe Gjykatën e Drejtësisë së BE, duke shtuar se ka mundësi që këto gjykata të pezullojnë përkohësisht marrëveshjen, pasi kanë autoritetin për të marrë vendime pezulluese.

“Qeveria italiane do përpiqet tq zgjerojë rrethin e të ashtëquajturave vende të sigurta. Referuar vensdimit të Gjykatës së Drejtësisë së Bashkimit Europ[ian kjo gjë nuk mund të bëhet. Nga ana tjetër edhe bnëse do bëhet, edhe gjyqtarët europianë janë në të drejtën e tyre për të vlerësuar, sepse nuk e bën vend të sigurtë një anailzë një shtet të caktuar, është vendimmarrje që kërkon analizë. Në shumicën e rasteve vendimmarrja bëhet për interesa politike. Si mund të quhet Siria për shembull një vend i sigurt? Apo edhe vende të tjera që janë në luftë. Ndëkohë që jami sigurtë që do i fusin tek lista e vendeve të sigurta. Sigurisht gjyqtarët italianë nuk janë të atij niveli që mund të bëjnë negociata për këtë pjesë. Nga sa kuptoj unë, opozita do e dërgojë vendimin në Gjykatë Kushtetuese dhe Gjykatën e Drejtësisë së BE. Që me shumë mundësi do pezullojë përkohësisht marrëveshjen sepse këto gjykata kanë të drejtën për të marrë vendime pezulluese”, tha Daci.

LEXONI GJITHASHTU:

• Kthimi i emigrantëve afganë në Itali, deputetja italiane: Ja sa para janë shpenzuar
• Pasojat e paktit Rama-Meloni, mediat italiane kryqëzojnë kryeministren