Këshilli i Lartë Gjyqësor ka caktuar masën pezullim nga detyra për 3 muaj me të drejtën e përfitimit të pagës minimale për magjistratin Taulant Tafa.
Ky vendim, vjen pasi KLGJ pranoi pjesërisht kërkesën e Inspektorit të Lartë të Drejtësisë (ILD), për procedim ndaj Tafës, për shkelje disiplinore të kryera, në gjykimin e kërkesës me objekt ulje dënimi, për një të dënuar me burgim të përjetshëm.
Nga analiza ligjore e fakteve të mbledhura gjatë hetimit disiplinor, ka rezultuar se gjyqtari në Gjykatën e Rrethit Gjyqësor Elbasan, Taulant Tafa ka dhënë përfitim të padrejtë të dënimit në masën 720 ditë për të dënuarin me burgim të përjetshëm (A.G.)
Sipas hetimit të ILD-së, në dhënien e vendimit magjistrati nuk i është referuar fakteve në aktet e dosjes, por ka parashtruar në mënyrë të dukshme fakte dhe rrethana të shtrembëruara vetëm për t’iu përshtatur plotësimit të kërkesave formale ligjore.
LEXONI GJITHASHTU