Një 67-vjeçar u ekzekutua me armë zjarri në fshatin Vilëz, Zhejë të Kurbinit. Dod Mamli u gjet i vdekur teksa po punonte në pyll. Grupi hetimor po punon për sqarimin e rrethanave dhe identifikimin e autorëve, ndërsa dyshohen dy pista hetimi.
Vrasja mund të lidhet me një konflikt pronësie, por nuk përjashtohet as pista e hakmarrjes, pasi dy djemtë e viktimës, Enrik Mamli alias Elton Mamli dhe Tom Mamli, kanë vrarë në vitin 2015 kushëririn e tyre, Naim Tafën.
Prokuroria e Kurbinit, asokohe, kërkoi 107 vite burg në total për katër persona të akuzuar për vrasje në rrethana cilësuese dhe mbajtje pa leje të armëve luftarake:
Tom Mamli – 33 vjet burg
Elton Mamli – 26 vjet burg
Gazmir Tafa – 24 vjet burg
Taulant Tafa – 24 vjet burg
Gjithashtu, Prokuroria e Kurbinit kërkoi dënimin me 2 vjet burg për shtetasin Dorian Mamli, i akuzuar për “Moskallëzim krimi”.
Grupi hetimor ndodhet në vendngjarje dhe po punon për zbardhjen e plotë të ngjarjes dhe identifikimin e autorëve.
Euronews Albania mëson se në lidhje me rastin janë shoqëruar në polici disa persona.
LEXONI GJITHASHTU:
- Emri/ Një i vrarë nga të shtënat me armë zjarri në Laç, çfarë thotë policia
- Po punonte tokën, u qëllua në kokë/ Detaje të reja nga vrasja e 67-vjeçarit në Laç
