Pjesëmarrja në zgjedhje, analistët komentojnë shifrat e KQZ-së

Në analizën e tij gjatë emisionit ”Vota e Shqiptarëve” në Euronews Albania, Blendi Çeka u shpreh se nëse në nivel kombëtar, për pjesëmarrjen e votuesve, shifrat i afrohen 48%-ishit, ky përbën një lajm të mirë për opozitën.

Sipas tij, nëse pjesëmarrja është e lartë në qendrat urbane, në bashkitë kryesore të qarqeve, pra shifra kombëtare është rreth 48%, kjo është në favor të opozitës, mirëpo nëse shifrat janë te 45%-ëshi, atëherë jemi afër të njejtës pjesëmarrjeje si në zgjedhjet e 2017-ës.

Ai vijoi analizën e tij duke deklaruar se pjesëmarrja mund të rritet, por është e rëndësishme se ku shpërndahet dhe si rritet, që nënkupton se ndikim të madh ka rritja në bashkitë kryesore.

Në të njejtën linjë me Blendin, ishte edhe Redi Shehu, i cili u shpreh se nëse përditësimi i KQZ-së do të vijojë me këtë trend, 2.8% nga ora 5-6 dhe nga 6-7 do të jemi afërsisht në trendin e 2017-ës, pra, që s’kemi pasur ndryshim.