Pjesëtarët e Listës Serbe votojnë bashkërisht në Mitrovicë të Veriut

Lista Serbe është partia e vetme serbe e Kosovës, e cila në të gjitha zgjedhjet merr pjesë me mbështetjen e Beogradit zyrtar.

Pjesëtarë të këtij subjekti janë parë bashkërisht duke  votuar në Mitrovicë të Veriut.

Në mesin e grupit janë parë punonjës të institucioneve që financohen nga Serbia, nga sektori i arsimit, shëndetësisë dhe sektorë tjerë.

Votimi i organizuar në Mitrovicë të Veriut është kthyer në diçka të zakonshme në zgjedhjet e Kosovës.

Në zgjedhjet e kaluara lokale, të mbajtura më 2017, Lista Serbe fitoi 10 komuna.

Para mediave foli edhe kandidati i Listës Serbe për kryetar të Mitrovicës së Veriut, Millan Radojeviq i cili tha se zgjedhjet nënkuptojnë mbrojtjen e lirisë së shprehjes.

“Të gjitha qendrat janë hapur me kohë dhe procesi po zhvillohet normalisht. Ftoj të gjithë qytetarët që në numër sa më të madh të votojnë”, tha Radojeviq.