“Plagën e kishte në bark”, flet gruaja që i dha ndihmën e parë 40-vjeçarit

Aleksandër Curraj, 40 vjeç mbeti i plagosur në një atentat me armë zjarri mëngjesin e së hënës në Shkodër.

Ngjarja e rëndë ndodhi në zonën e njohur si Dollari, ku një person që lëvizte me biçikelë ka qëlluar 4 herë me pistoletë në drejtim të tij duke e plagosur rëndë.

Gazetari i Euronews Albania, Teodor Gjerga ka mundur të pyesë një dëshmitare nga vendi i ngjarjes, e cila ishte personi i parë që i dha ndihmë 40-vjeçarit.

Ajo tregon se nuk e njeh personin që kreu atentatin, ndërsa theksoi se i plagosuri kishte një plagë të madhe nga arma e zjarrit në bark.

“Isha duke lypur, e pashë që ra në tokë dhe iu afrova. Nuk e njoh njeriun që qëlloi. Ka qëndruar 10 minuta i shtrirë sa shkova kërkova ndihmë, erdhi polici rrugor dhe i dha ndihëm. Plagën e kishte në stomak, shumë gjak. Unë i dhashë ndihmën e parë, askush nuk i dha”, tregoi gruaja.

LEXONI GJITHASHTU:

• Autori me biçikletë, e qëlloi 4 herë – Kush është shënjestra e atentatit në Shkodër
• Të shtëna me armë zjarri në Shkodër, një person i plagosur