Plagosen tre adoleshentë, dëshmitari: U goditën nga makina pasi dolën nga mësimi

3 adoleshentë u përplasën nga një automjet ditën e sotme në Tiranë. Ngjarja ndodhi në zonën e Mulletit, ku 2 vajza dhe 1 djalë, të tre 17-vjeçarë sapo kanë dalë nga shkolla, që gjendet afër vendngjarjes, janë përplasur nga automjeti që drejtohej nga një 24-vjeçar.

Një dëshmitar në vendngjarje, i cili është shok klase me 3 adoleshentët tregoi për Euronews Albania se ata sapo kishin dalë nga shkolla dhe po kalonin nga njëri krah i rrugës në tjetrin kur u përplasën nga automjeti.

“I pashë kur u goditën, vetëm njëri prej tyre mund të fliste, po bërtiste nga dhimbjet. Ambulanca erdhi  shpejt, pas 10 minuta ose çerek ore”, tregoi ai.

Sipas burimeve bëhet me dije se 2 nga adoleshentët janë në gjendje pak më të rënduar, ndërsa po marrin ndihmën e nevojshme në spitalin e traumës.

LEXONI GJITHASHTU:

• Aksident në Tiranë, makina përplas 3 adoleshentë
• VIDEO| Pamjet e aksidentit me 1 viktimë e 4 të plagosur, makina shpërthen në flakë